Croeso i wefan prosiect Parc Ynni Calon y Gwynt.
Mae Parc Ynni Calon y Gwynt yn barc ynni arfaethedig sydd wedi'i leoli tua 2.7km i'r gogledd o Clatter yn ardal weinyddol Cyngor Sir Powys. Byddai'r parc ynni arfaethedig yn cyfuno tyrbinau gwynt a storio batris er mwyn cynhyrchu ynni glân a chyfrannu at dargedau uchelgeisiol Cymru ar gyfer ynni adnewyddadwy.
Bydd arddangosfeydd cyhoeddus Parc Ynni Calon y Gwynt yn cael eu cynnal yn lleol ar 17 a 18 Mehefin 2026. Bydd yr arddangosfeydd hyn yn rhoi cyfle i aelodau'r cyhoedd gwrdd â thîm y prosiect, dysgu mwy am y cynigion, a gofyn unrhyw gwestiynau sydd ganddynt.
Bydd y digwyddiadau hefyd yn nodi dechrau rhaglen ehangach o ymgysylltu ag ymgyngoreion statudol, cymunedau lleol a rhanddeiliaid eraill cyn yr Ymgynghoriad Cyn-ymgeisio (PAC) ffurfiol. Bydd y wefan hon yn cael ei diweddaru yn ystod yr arddangosfeydd i adlewyrchu'r fersiwn ddiweddaraf o'r cynigion a'r wybodaeth a gyflwynir yn y digwyddiadau.
Yn yr wythnosau yn dilyn yr arddangosfeydd, bydd y prosiect yn symud i gyfnod ffurfiol yr Ymgynghoriad Cyn-ymgeisio. Fel rhan o'r broses hon, bydd rhagor o wybodaeth a gwaith asesu sy'n ymwneud â'r disgyblaethau amgylcheddol yn cael eu cyhoeddi, gan roi cyfle i ymgynghoreion adolygu a gwneud sylwadau ar y cynigion cyn cyflwyno cais cynllunio.
Y Datblygwr
Mae Parc Ynni Calon y Gwynt yn rhan o fenter ar y cyd rhwng Wind2 a chwmnïau sy'n cael eu rheoli gan Octopus Energy Generation.
Datblygwr ynni adnewyddadwy arbenigol yw Wind2. Fe’i sefydlwyd yn 2016 gan Paula a Gerry Jewson, cyn-berchnogion a sylfaenwyr West Coast Energy. Mae gan y cwmni dimau yn yr Wyddgrug, Caeredin, Perth, Cromarty a Wells. Gydag arbenigedd sylweddol mewn ynni adnewyddadwy a hanes llwyddiannus o ddatblygu ffermydd gwynt a solar ar y tir ledled y DU, mae Wind2 yn helpu'r DU tuag at sero net.
Octopus Energy Generation yw un o fuddsoddwyr mwyaf Ewrop mewn asedau ynni adnewyddadwy a phrosiectau trawsnewid i ynni adnewyddadwy. Mae’n rheoli mwy na 300 o brosiectau ynni gwyrdd ar raddfa fawr ar draws 13 o wledydd sy’n defnyddio technolegau gwahanol gan gynnwys gwynt ar y tir, gwynt ar y môr ac ynni solar.
Am fwy o wybodaeth am Wind2, ewch i'r dudalen Amdanom ni, wind2.co.uk